మణుగూరు లో వరల్డ్ ఎయిడ్స్ డే సందర్భంగా ర్యాలీ
ప్రపంచ ఎయిడ్స్ దినోత్సవం సందర్భంగా మణుగూరులోని ప్రాథమిక ఆరోగ్య కేంద్రం ఆధ్వర్యంలో అవగాహన ర్యాలీ నిర్వహించారు. డాక్టర్లు శివకుమార్, నిశాంత్ రావు మాట్లాడుతూ, ఎయిడ్స్ వ్యాధితో పెరుగుతున్న కేసులు ఆందోళన కలిగిస్తున్నాయని, ప్రత్యేకించి గర్భిణీల్లో వ్యాప్తి చెందడం తీవ్రమైన సమస్యగా మారిందని తెలిపారు. తల్లి నుంచి బిడ్డకు వ్యాప్తి నిరోధం: తల్లి నుండి బిడ్డకు వ్యాధి సోకకుండా తీసుకోవాల్సిన జాగ్రత్తలపై వైద్యులు సూచనలు ఇచ్చారు. అవగాహన రాహిత్యం: ప్రజలలో అవగాహన లేకపోవడం, నిర్లక్ష్యం ఎయిడ్స్ వ్యాధికి ప్రధాన కారణాలుగా వైద్యులు పేర్కొన్నారు. “చైతన్యమే ఔషధం, అంతమవ్వాలి రోగం” అనే నినాదంతో ముందుకు సాగాలని పిలుపునిచ్చారు. ఈ కార్యక్రమంలో వైద్య సిబ్బంది పాల్గొని, ప్రజలలో అవగాహన కల్పించారు. ర్యాలీ అనంతరం ఎయిడ్స్ వ్యాప్తి నివారణపై ప్రత్యేక సదస్సు నిర్వహించారు.