నిర్దిష్టమైన కార్యక్రమం కలిగిన పార్టీ సిపిఎం
ప్రజా ఉద్యమాల ద్వారా చైతన్యం: సీట్లు గెలిచే మార్గం
(మాజీ ఎంపీ మీడియం బాబురావు మాటలు)
మణుగూరు: భారతదేశంలో నిర్దిష్టమైన రాజకీయ కార్యక్రమం కలిగిన పార్టీగా సిపిఎం ప్రజా ఉద్యమాలను ఆధారంగా చేసుకుని చైతన్యాన్ని సృష్టించడం ద్వారా మాత్రమే విజయాలను సాధించగలదని మాజీ ఎంపీ మరియు సిపిఎం సీనియర్ నాయకులు మీడియం బాబురావు పేర్కొన్నారు.శనివారం మణుగూరులోని దొడ్డి నెహ్రూ ఇంటి వద్ద కామ్రేడ్ కుంజా కృష్ణకుమారి ప్రాంగణంలో జరిగిన సిపిఎం 9వ మండల మహాసభ ఈ సందర్భంగా నిర్వహించారు. ఈ మహాసభకు దామల్ల వెంకన్న, పిట్టల నాగమణి అధ్యక్షత వహించారు.సిపిఎం సీనియర్ నాయకులు గడ్డం ముత్తయ్య జెండాను ఆవిష్కరించారు. అనంతరం సిపిఎం అమరవీరులైన సీతారాం ఏచూరి, కుంజా కృష్ణకుమారి, పిట్టల కృష్ణకు నివాళులర్పించారు.కాంగ్రెస్ వైఫల్యం, బీజేపీ మత రాజకీయాలు కేంద్రంలో అధికారంలో ఉన్న బీజేపీ మతాల పేరుతో సామరస్యానికి భంగం కలిగించడంలో నిమగ్నమైందని బాబురావు విమర్శించారు. “మూడవసారి బీజేపీ గెలవడం కాంగ్రెస్ వైఫల్యానికి నిదర్శనం. ఇండియా కూటమి కేవలం 1.9% ఓట్ల తేడాతో ఓడిపోయింది. కాంగ్రెస్ బీజేపీ వ్యతిరేక పోరాటంలో పూర్తిగా విఫలమైంది, అయితే సిపిఎం మాత్రం నిస్సహాయంగా బీజేపీతో పోరాటం చేసింది” అని ఆయన తెలిపారు. రైతు వ్యతిరేక చట్టాలు“రైతులకు వ్యతిరేకంగా మూడు దుర్మార్గపు చట్టాలను ప్రవేశపెట్టింది బీజేపీ. 750 మంది రైతులు చనిపోవడానికి కారణమైంది. ఎన్నికల సమయంలో డబ్బును భారీగా ఖర్చుచేసి దేశాన్ని అప్పులపాలు చేసింది” అని ఆయన మండిపడ్డారు. కార్మిక చట్టాల రద్దు “కార్మికులకు అనుకూలమైన 44 చట్టాలను రద్దుచేసి నాలుగు కొత్త కోడ్లుగా మార్చిన బీజేపీ కార్మికుల హక్కులను కాలరాయిస్తోంది. స్వామినాథన్ సిఫారసులను అమలు చేయడంలో కూడా విఫలమైంది” అని బాబురావు ఆగ్రహం వ్యక్తం చేశారు.
సిపిఎం జిల్లా కార్యదర్శి హితబోధ సిపిఎం జిల్లా కార్యదర్శి అన్నవరపు కనకయ్య మాట్లాడుతూ, “మణుగూరు ప్రాంతంలో సిపిఎం పార్టీని వదిలిన వారు ఇప్పుడు ఎక్కడ ఉన్నారు? ప్రజలు వారిని తిరస్కరించారు. సిపిఎం పార్టీ అనేది నికార్సైన పార్టీగా నిలుస్తోంది” అని వ్యాఖ్యానించారు.6 గ్యారంటీల అమలు డిమాండ్ “తెలంగాణలో కాంగ్రెస్ పార్టీ ఎన్నికల ముందు ఇచ్చిన ఆరు గ్యారంటీలను కచ్చితంగా అమలు చేయాలి. ఎన్నికల హామీలను నెరవేర్చడంలో ప్రభుత్వం విఫలమైందని” ఆయన తెలిపారు.ప్రజా ఉద్యమాలకు పిలుపు “భవిష్యత్తులో కేంద్ర, రాష్ట్ర ప్రభుత్వాల ప్రజా వ్యతిరేక విధానాలపై పెద్ద ఎత్తున ఉద్యమాలను చేపడతాం. ప్రజలందరూ పార్టీ కార్యక్రమాల్లో చురుకుగా పాల్గొనాలి” అని ఆయన పిలుపునిచ్చారు.ప్రముఖుల పాల్గొనడం ఈ కార్యక్రమంలో సిపిఎం రాష్ట్ర కమిటీ సభ్యులు ఏజే రమేష్, జిల్లా కమిటీ సభ్యులు నిమ్మల వెంకన్న, గద్దల శ్రీనివాసరావు, నెల్లూరి నాగేశ్వరరావు తదితరులు పాల్గొన్నారు.
(