మణుగూరు తహసిల్దార్ రాఘవ రెడ్డి గారి మానవతా విలువలు – ఆదర్శంగా నిలుస్తున్న సేవా యజ్ఞం
మణుగూరు తహసిల్దార్ రాఘవ రెడ్డి గారు మానవత్వం, సేవా భావం, సగటు మనిషి సమస్యల పట్ల చూపే అనురాగానికి ప్రతిరూపంగా నిలుస్తున్నారు. అధికారిక హంగుల కంటే మాననీయ విలువలకు అధిక ప్రాధాన్యత ఇస్తూ, సాధారణ ప్రజల మధ్య ఆత్మీయతను పంచడంలో ఆయన చూపుతున్న నిబద్ధత నేడు యావత్ మణుగూరు ప్రజల హృదయాలను కదిలిస్తోంది. గత కొన్ని రోజులుగా విపరీతమైన చలి కారణంగా ఫుట్ పాతులపై నిద్రిస్తున్న అభాగ్యులకు “నేనున్నాను “ అంటూ ముందుకు వచ్చిన రాఘవ రెడ్డి గారు, వారికి స్వయంగా బ్లాంకెట్లు కప్పి వారి జీవనానికి కొంత సాంత్వనను అందించారు. బండారుగూడెం ప్రాంతంలో ఫుట్ పాతులపై నిద్రిస్తున్న వారిని కళ్లారా గమనించి, వారి వద్దకు స్వయంగా వెళ్లి తన చేతులతో బ్లాంకెట్లు కప్పడం మానవతా విలువల గౌరవానికి అద్దం పడుతుంది . అంతేకాదు, దేవాలయాల ముందు చలిలో వణుకుతూ భిక్షాటన చేస్తున్న యాచకుల వద్దకు వెళ్లి, వారికి బ్లాంకెట్లు కప్పి సద్వ్యవహారానికి మరొక రూపాన్ని చాటారు. ఆయన ఈ సేవా కార్యక్రమాలు కేవలం అభాగ్యుల మనసులను కాకుండా, మణుగూరు ప్రజల అందరి హృదయాలను గెలుచుకున్నాయి. రాఘవ రెడ్డి గారు చూపుతున్న ఔదార్యం సామాజిక మాధ్యమాలలో చెక్కర్లు కొడుతూ, సామాజిక సేవకులందరికీ ఆదర్శంగా నిలుస్తోంది. పేదల కష్టాలను తన కష్టాలుగా భావిస్తూ వారికి సహాయం చేయడంలో ఆయన చూపిస్తున్న త్యాగం, ప్రేమ, సహనం మణుగూరు ప్రాంత ప్రజలకు గర్వకారణంగా ఉంది. “మనసున్న మంచోళ్లే మహారాజులు” అన్న నానుడిని నిజం చేస్తూ రాఘవ రెడ్డి గారు చూపిస్తున్న మానవతా సేవలు అందరికీ స్ఫూర్తిదాయకం. “సేవే మనిషి ధర్మం” అని ఆయన తమ కార్యాచరణ ద్వారా చాటి చెప్తున్నారు. ఈ సేవా యజ్ఞం ప్రతి ఒక్కరికి ప్రేరణగా నిలుస్తుంది. మణుగూరులో పేదల పట్ల ఆయన చూపిస్తున్న దయ, ప్రేమ, మానవతా విలువలు ఆయనను సగటు అధికారి నుండి మరింత ప్రత్యేకమైన వ్యక్తిగా నిలిపాయి. మణుగూరుకు గర్వకారణమైన మానవ మూర్తి, రాఘవ రెడ్డి గారు నడిపిస్తున్న ఈ మానవతా ప్రయాణం ఎల్లప్పుడూ ప్రశంసనీయం.
చిర్రా శ్రీనివాస్ గౌడ్
సీనియర్ జర్నలిస్ట్,జాతీయ కాన్సిల్ మెంబర్,
తెలంగాణా వర్కింగ్ జర్నలిస్ట్ ఫెడరేషన్ (TWJF)