TWJF-HUJ సభ్యత్వ నమోదు కార్యక్రమం ఘనంగా నిర్వహణ
సికింద్రాబాద్: తెలంగాణ వర్కింగ్ జర్నలిస్టు ఫెడరేషన్ (TWJF) అనుబంధ సంస్థ హైదరాబాద్ జర్నలిస్టు యూనియన్ (HUJ) సభ్యత్వ క్యాంపెయిన్ కార్యక్రమం ఆదివారం సికింద్రాబాద్ నామాలగుండు లోని BNR గార్డెన్లో ఘనంగా జరిగింది.ఈ కార్యక్రమానికి పెద్ద సంఖ్యలో జర్నలిస్టులు హాజరై, సభ్యత్వ నమోదు ప్రక్రియలో చురుకుగా పాల్గొన్నారు. TWJF రాష్ట్ర ప్రధాన కార్యదర్శి బసవపున్నయ్య మాట్లాడుతూ, జర్నలిస్టుల హక్కుల కోసం పోరాడటమే కాకుండా, వారి సంక్షేమానికి నూతన కార్యక్రమాలను చేపట్టడం HUJ ప్రధాన లక్ష్యమని పేర్కొన్నారు.అంతే కాకుండా, మీడియా ప్రపంచంలో ఎదురవుతున్న సవాళ్లను సమర్థంగా ఎదుర్కొనడంలో జర్నలిస్టులకు HUJ బలమైన వేదిక అవుతుందని అన్నారు. ఈ సందర్భంగా నూతన సభ్యులను ఉత్సాహపరుస్తూ ప్రోత్సాహక మాటలతో సత్కరించారు. కార్యక్రమంలో సీనియర్ జర్నలిస్టులు, HUJ నాయకులు, TWJF ప్రతినిధులు పాల్గొన్నారు. కార్యక్రమానికి వచ్చిన వారందరికీ కృతజ్ఞతలు తెలిపారు. TWJF అనుబంధ సంస్థ HUJ సంస్థలు కలసి జర్నలిస్టుల హక్కులు, సంక్షేమం, అభివృద్ధికి నిరంతర కృషి చేస్తూ ముందుకు సాగుతాయని ఈ కార్యక్రమం స్పష్టం చేసింది.
